27 e 28 de novembro: normalización lingüística, baile e máis

12297989_10207361202460331_531034554_oCultura do País remata forte este novembro dandi, cunha fin de semana chea de actividade. O venres 27 de novembro ás 20:00 hs. no Lar da Cultura do País terá lugar unha presentación conxunta de libros da Através Editora: ‘O galego (im)possível (ainda máis)’, de Valentim R. Fagim e ‘A normalização lingüística: uma ilusão necesária’, de Mário Herrero. Contaremos no acto cos autores dos libros, que farán unha presentación dialogada.

aulas baileO sábado 28 de novembro ás 12:00 no Lar comezan as aulas de baile tradicional para este curso, impartidas outro ano máis por Rebeca Tallón. Esta primeira sesión será de portas abertas para quen queira participar na mesma. Para inscribirvos nas aulas, que serán os sábados de 12:00 a 13:00, podedes facelo en culturadopais@gmail.com. Como é habitual, haberá prezo reducido para socios/as da Asociación.

Torques-AmbilokwoiO mesmo sábado 28 pola tarde, ás 16:30 hs. en Nadela, celébrase unha nova xornada da Liga Gallaecia, na que a nosa equipa de fútebol gaélico mixto, as Torques de Lugoslavia, se enfronta a Ambílokwoi de Vigo na procura da súa primeira vitoria da tempada. A partir das 19:00 hs. terá lugar o terceiro tempo no Bodegón A Fouce. Facemos un chamamento ás Nadela Partisans a desempoar as bandeirolas para arroupar a nosa equipa e facer gasto na cantina.

Novembro dandi e literario

Manifesto png

O mes de novembro significa para Cultura do País relembrar o Manifesto da Asemblea Nacionalista de Lugo de 1918 e celebrar outro ano máis o aniversario dese acontecemento; ao que este ano, case no limiar da conmemoración do centenario das Irmandades da Fala, lle quixemos dar unha relevancia especial.

ostraciaComezamos un ciclo de presentacións de libros no Lar co lanzamento de Ostrácia, de Teresa Moure. Neste acto, que terá lugar o venres 20 de novembro ás 20:00 hs. no Lar da Cultura do País, contaremos coa presenza da autora, máis as tamén escritoras Verónica Martínez Delgado e Carmen Blanco.

O domingo 22 de novembro celebramos o 97º Aniversario do Manifesto de Lugo. Ás 13:00 terá lugar a xa tradicional ofrenda floral diante do Hotel Méndez Núñez, sé da Asemblea de 1918, acto que organizamos conxuntamente cos colectivos culturais lucenses Mádia Leva e Carneiro Alado.

A xornada continuará no Bodegón A Fouce,  cunha sesión vermú-tertulia sobre as Irmandades da Fala (14:00) e un xantar (14:30). O custo do xantar é de 14 euros (10 euros socios/as de Cultura do País). Podédesvos inscribir até o xoves 19 de novembro en culturadopais@gmail.com.

Festa dandi 2011Ás 17:30 hs. dará comezo na Sala Raíña do Hotel Méndez Núñez a Festa Dandi, na que contaremos coa actuación de Caxade e a VI Edición dos Premios Dandi ás persoas asistentes que vaian mellor caracterizadas coa estética dandi dos anos 20 do século pasado. O custo da entrada é de 10 euros (8 euros para socios/as de Cultura do País) e inclúe consumicións.

Nesta edición tedes un novo motivo para asistir á Festa Dandi: o sorteo que faremos dun kit do cocido: unha pota asinada por Caxade cos ingredientes precisos para un bo cocido (cachucha, butelo, lacón, grelos…). Faite xa coa túa rifa nas actividades da Asociación, no Lar ou no Bodegón A Fouce por tan só 1’50 €!

 … e máis novidades: as persoas que se fagan socias da Asociación na Festa Dandi terán o primeiro mes de socias de balde.